Mein Mar Mita to woh samjha yeh inteha thi meri
ussay khabar hi na thi khaak kimiya thi meri
mein chup hua to woh samjha ke baat khatam hui
phir iss ke baad aawaz ja baja thi meri
jo taanazan tha meri poshish-e-dareedah par
usi ke dosh po rakhi hui qaba thi meri
mein us ko yaad karun bhi to yaad aata nahin
mein us ko bhool gaya hoon yahi saza thi meri
shikast de gaya apna gharoor hi us ko
wagarna uss ke muqabil bisaat kya thi meri
koi bhi kuway mohabbat se phir nahin guzara
tu shehar-e-ishq mein aakhari sada thi meri
jo ab ghmand se sar ko uthaye phirta hai
isi tarah ki to makhlooq khaak e pa thi meri
mein uss ko dekhta rehta tha hairaton se Faraz
yeh zindagi se taaruf ki ibtada thi meri
Poet: Ahmad Faraz
Voice: Imran Sherazi
میں مر مٹا تو وہ سمجھا یہ انتہا تھی مری
اسے خبر ہی نہ تھی خاک کیمیا تھی مری
میں چپ ہوا تو وہ سمجھا کہ بات ختم ہوئی
پھر اس کے بعد تو آواز جا بجا تھی مری
جو طعنہ زن تھا مری پوشش دریدہ پر
اسی کے دوش پہ رکھی ہوئی قبا تھی مری
میں اس کو یاد کروں بھی تو یاد آتا نہیں
میں اس کو بھول گیا ہوں یہی سزا تھی مری
شکست دے گیا اپنا غرور ہی اس کو
وگرنہ اس کے مقابل بساط کیا تھی مری
کوئی بھی کوئے محبت سے پھر نہیں گزرا
تو شہر عشق میں کیا آخری صدا تھی مری
جو اب گھمڈ سےسر کو اٹھا ئے پھرتا ہے
اسی طرح کی تو مخلوق خاک پا تھی مری
میں اس کو دیکھتا رہتا تھا حیرتوں سے فرازؔ
یہ زندگی سے تعارف کی ابتدا تھی مری
شاعر: احمد فراز
آواز: عمران شیرازی
Comments
Post a comment