Aye Naye Saal bata tujh mein naya pan kya hai
har taraf khalaq ne kiyon shor macha rakha hai
roshni din ki wohi taaron bhari raat wohi
aaj hum ko nazar aati hai har aik baat wohi
aasmaan badla hai afsos na badli hai zameen
aik hindsay ka badalna koi jiddat to nahin
aglay barson ki tarah hon ge qareenay tere
kissay maloom nahin baara maheenay tere
janwari farwari aor march mein paray gi sardi
aor aprail may aor june mein ho gi garmi
tera man dehar mein kuch khoye ga kuch paye ga
apni mayaad basar kar ke chala jaye ga
tu naya hai to dikha subha nayi shaam nayi
warna in aankhon ne dekhay hein naye saal kayi
be sabab log detay hein kiyon mubarak badein
kya sabhi bhool gaye hein waqt ki kari yaadein
teri aamad se ghatti hai umar jahan se sab ki
Faiz ne likhi hai yeh nazam niralay dhab ki
Poet: Faiz Ahmad Faiz
Voice: Imran Sherazi
آر جے عمران شیرازی کی آواز میں اردو شاعری
اے نئے سال بتا تجھ میں نیا پن کیا ہے
ہر طرف خلق نے کیوں شور مچا رکھا ہے
روشنی دن کی وہی تاروں بھری رات وہی
آج ہم کو نظر آتی ہے ہر ایک بات وہی
آسماں بدلا ہے افسوس نہ بدلی ہے زمیں
ایک ہندسے کا بدلنا کوئی جدت تو نہیں
اگلے برسوں کی طرح ہوں گے قرینے تیرے
کسے معلوم نہیں بارہ مہینے تیرے
جنوری فروری اور مارچ میں ہو گی سردی
اور اپریل مئی اور جون میں ہو گی گرمی
تیرا من دہر میں کچھ کھوئے گا کچھ پائے گا
اپنی معیاد بسر کر کے چلا جائے گا
تو نیا ہے تو دکھا نئی صبح شام نئی
ورنہ ان آنکھوں نے دیکھیں ہیں نئے سال کئی
بے سبب لوگ دیتے ہیں کیوں مبارک بادیں
کیا سبھی بھول گئے وقت کی کڑی یادیں
تیری آمد سے گھٹی عمر جہاں سے سب کی
فیضؔ نے لکھی ہے یہ نظم نرالے ڈھب کی
شاعر: فیض احمد فیض
آواز: عمران شیرازی
Comments
Post a Comment