Mazdoor Hoon Main | Labour Day Special Urdu Poetry by Jabbar Wasif




Hath paaon bhi batate hain ke mazdoor hoon main Aur malboos bhi kehta hai ke majboor hoon main Fakhar karta hoon ke khata hoon faqat rizq-e-halal Apni iss sift-e-qalandar pe to maghroor hoon main Sara saal mera katt jata hai gumnami main Bas yakam May ko lagta hai ke mashoor hoon main baat karta nahin meri koi aiwano mein sab ke manshoor mein yun sahib manshoor hoon mein Apne bachon ko bachaa sakta nahin faaqon se Un ko taleem dilane se bhi mazoor hoon main Pait bhar deta hai hakim mera taqreeron se Us ki is tifl e tasalli pe to ranjoor hoon main Yaum-e-mazdoor hai, chutti hai, mera faaqa hai Phir bhi yeh din to manaaon ga ke mazdoor hoon main Mujh ko pardes liye phirti hai rozi Wasif Apne bachon se bohat door, bohat door hoon main Poet: Jabbar Wasif Voice: Imran Sherazi


No comments :

No comments :

Post a Comment