Ahmad Nadeem Qasmi Poetry - Pathar | Best Poem in Urdu/ Hindi




Urdu Poem Pathar by Ahmad Nadeem Qasmi | Best ever Poem in Urdu/ Hindi by RJ Imran Sherazi with Lyrics rait se butt na bana ay mere ache fankar ek lamhe ko thahar main tujhe patthar la dun main tere samne ambar laga dun lekin kaun se rang ka patthar tere kam ayega surkh patthar jise dil kahti hai bedil duniya ya wo pattharai huyi ankh ka nila patthar jis main sadiyon k tahayyur ke pare hon dore kya tujhe ruh ke patthar ki zarurat hogi jis pe haq bat bhi patthar ki tarah girati hai ik wo patthar hai jise kahte hain tahazib-e-safed us k marmar main siyah Khun jhalak jata hai ik insaf ka patthar bhi to hota hai magar hath main tesha-e-zar ho to wo hath ata hai jitne mayar hain is daur ke sab patthar hain sher bhi raqs bhi tasvir-o-gina bhi patthar mere ilham tera zahan-e-rasa bhi patthar is zamane main har fan ka nishan patthar hai hath patthar hain tere meri zuban patthar hai rait se butt na bana ay mere ache fankar Poet: Ahmed Nadeem Qasmi Voice: Imran Sherazi

No comments :

No comments :

Post a Comment