Eid ka Din Hai || Eid Special Urdu Poetry



Uncle Uncle Baat Suno Naa! Eid ka Din Hai | Eid Urdu/ Hindi Poetry by RJ Imran Sherazi with Lyrics

Uncle uncle baat suno na,
Lambi gari wale uncle,
Eid ka din hai,
Meri umar ke saray bache,
 Rang barange kapre pehne,
 Cham cham karte mehnge jootay,
 Barre barre noton ki eidi,
 Kitne khush hain,
 Dekhen mere paon bareeda,
 Paaon main yeh tooti chappal,
 Koi barra na koi eidi,
 Phir bhi khush hoon,
 Lekin uncle,
 Woh jo us deewar ke pass,
 Ik chaar baras ki bachi hai na,
 Meri choti behna hai woh,
 Koora dan se us ki khatir,
 Aik hi paaon ke do jootay,
 Aur bari kothi se utran ke kapre laya hoon,
 Lekin pagli kehti hai ke,
 Bhaiyya mujh ko kangan la do,
 Dekhen uncle, Meri jaib main chand rupay hain,
 Thehren main ginta hon in ko,
 Dus ka note aur chand ik sikkay,
 Kul mila kar satra (17) hain,
 Teen (3) rupay bas de dain mujh ko,
 Main apni choti behna ko,
 Dus dus (10) ke do kangan laa doon,
 Uncle uncle baat suno na,
 Lambi gari walay uncle..

Poet: Unknown
 Voice: Imran Sherazi

No comments :

No comments :

Post a Comment