Kash Mein Tere Haseen Hath Ka Kangan Hota || Urdu Poetry by Wasi Shah




Wasi Shah Urdu Shayari | Kash Mein Tere Haseen Hath Ka Kangan Hota with Lyrics - Urdu/ Hindi Poetry by RJ Imran Sherazi

Kaash mein tere haseen haath ka kangan hota
tu baray pyar say, chao say, baray maan ke saath
 apni nazuk si kalai mein charhati mujh ko
 aur betaabi say fursat ke khazaan lamhon main
 tu kisi soch main doobi jo ghumati mujh ko
 main tere haath ki khushbu say mehak sa jata
 jab kabhi mood main aa kar mujhe chooma karti
 tere honton ki main hiddat say dehak sa jata
 raat ko jab bhi tu neendon ke safar pe jaati
 marmareen hath ka ik takiya sa banaya karti
 mein tere kaan say lag kar kai baatein karta
 teri zulfon ko tere gaal ko cherha karta
 mujh ko betaab sa rakhta teri chaahat ka nasha
 Dil tere qurb ki khawaish se na phir bhi bharta
 main teri rooh ke gulshan main mehakta rehta
 main tere jism ke aangan main khanakta rehta
 kuch nahin tu yahi be naam sa bandhan hota
 kaash main tere haseen haath ka kangan hota

 Poet: Wasi Shah
 Voice: Imran Sherazi


No comments :

No comments :

Post a Comment